جامعة بورسعيد

الاستاذ الدكتور / خالد حبييب يشيد بفريق هواوى اكاديمى جامعة بورسعيد وفوزهم بجوائز عالمية

مع هواوي في بناء القدرات..
اول امبارح استمتعت بمشاركة فعالة مع مشروع من اجمل ما يمكن. هواوي العملاق العالمي بتبني قدرات الاف من الشباب المصري ، في كل مجالات التكنولوجيا والذكاء الاصطناعي والتحول الرقمي. ومش بتعمل ده لوحدها، بتعمله من خلال منظومة متكاملة، وسلسلة قيمة اولها الحكومة المصرية، برؤيتها الطموحة ل ٢٠-٣٠ واستراتيجية تفصيلية للتحول الرقمي. بنك القدرات الّي بتبنيه هواوي ITB، عبارة عن منظومة عملاقة، اولها وزارة الاتصالات، الّي كانت ممثلة بقوة من خلال الرايعة نائب وزير الاتصالات دكتور غادة لبيب ، والّي لغيت وبتلعب دور كبير في بناء قواعد المعلومات وترسيخ التطوير المؤسسي من خلال التحول الرقمي، والمعهد القومي للاتصالات الّي بيساهم من خلال خبرائه المحترفين في بناء المنظومة، وكل الجامعات المصرية بلا استثناء، حكومية وخاصة، الّي فتحوا ابوابهم للمشروع، وصمموا مناهج مبنية على اساسيات من هواوي عشان تضمن تأهيل الشباب لسوق العمل بشكل احترافي. في سنة واحدة الاف الشباب المصري تم تدريبه وتأهيله ، وفرق منهم من جامعة بورسعيد و٦ اكتوبر كسبوا جوائز عالمية باسم مصر. مصر بتتغيّر بجد. محدش هيقدر يعملها لوحده. وبنك قدرات هواوي نموذج جميل للعمل الجماعي. احترامي لكل المشاركين. وشكرا خاص ل influence communication، شيماء الكفراوي وفريقها الجميل بقيادة منى ابو العلا. باحب الناس الّي بتنظم الصعب جدا وتخليه شكله سهل جدا. كل التوفيق.